Alça bitkisinin təsviri

Alça gülçiçəklilər (Rosaceae) fəsiləsinə aid olub,  botaniki adı Prunus cerasifera Ehrh-dır.

2-3 m-dən 10-15 m-dək hündürlükdə kol və ya ağacdır. Tumurcuqları yüksək oyanma və faraş yetişmə qabiliyyətlidir. Bu xüsusiyyət skelet və yarımskelet budaqlar üzərində kütləvi şəkildə meyvə budaqcıqlarının yaranmasına səbəb olur və ağaclar erkən yaşlarından məhsula düşür.

Çiçəkləri tək-tək və bəzən sadə çətir tipli çiçək topasında yerləşir.

Alça calaq və çiliklə artırılır. Calaqaltı olaraq alça, gavalı, ərik, göyəm, AP hibridi istifadə edilir.

Alça sortları məhsulvermə, zoğ əmələgətirmə xüsusiyyətinə və ağacların ömrünə görə üç qrupa ayrılır.

• Ağac formalı alça sortları.
• Kol formalı alça sortları.
• Hibrid alça sortları qrupu.